اخبار مصر

egypt news

اخبار مصر

( أحبوا الجميع ) كلمات محمد فتحى مينا ملاك قلينى

 

اكتب معايا يا مينا
احلى و اجمل معانى
دى مصر غالية علينا
ملناش غيرها بديل تانى

بسم الله الواحد
بسم إله الجميع
تعالى بقى نتعاهد
منسيبش بلدنا تضيع

ايوة فيه بينا اختلاف
بس حاجات كتير مشتركه
ايوة ديانتي غير ديانتك
بس بوحدتنا هتفيض البركة

مش هنفرط فى أرضنا
مهما يجرى و يكون
دى حياتنا و عرضنا
مصر ام الكون

انت محمد وانا مينا
بس انت مصرى وانا مصري
لازم نكون انا وانت مينا
فيها السفينة ترسي وتجري

الدين ملك ربنا
مش ملك للبشر
يارب ديم حبنا
خليه بالسلام ينتشر

لازم تكون المحبه ما بينا
ومهما المحن تفرق ما بينا
نرجع نكون واحد ياصحبي
ونكسر اهات الحزن اللي بينا

»احبوا الجميع«
رساله يسوعنا اللي جه بالسلام
وزرع المحبه في قلب الجميع
وبارك الاراضي باجمل كلام

عشان كده بحبك ياصحبي
وهفضل احبك لاخر الزمان
هحمي الجوامع وتحمي الكنايس
وبينا يعم السلام والامان

فى آخر السطور
فى آخر الكلام
محبتنا هتفضل نور
زارع جوانا السلام