اخبار مصر

egypt news

مقالات

مالايراة الأخرون بقلم عثمان محمد

قصة أعجبتني…سيد السيد بلاش تتسيد
واحد زهقان من مراته وعمال يفكر ويحقد عليها ويقول:–
انا كل يوم بطلع الشغل من صباحية ربنا
وهي قاعدة فى البيت مرتاحه ومروقه
قعد يفكر ؟؟؟؟
يعمل إيه نفسه يرتاح شويه زيها
حضر عفريت
طلعله العفريت قاله : شبيك لبيك تطلب إيه ياحبي ؟؟؟؟
قاله : عايز أكون مكان مراتى يومين بس
نفسي أحس بطعم الراحة زيها وزي الستات
دخل نام وصحي الصبح لقي الحال أتبدل
كل واحد مكان التاني ههههه هو بقي الست ومراتوا بقت الراجل
وبدأت رحلة التمني والأمال
صحي هو من ٥ الفجر
جهز الفطار وعمل السندوتشات ولبس الاولاد علي أساس انة ست
مراته صحيت ٦.٣٠ صباحآ
شربت الشاي وراحت الشغل علي أساس أنها الراجل
هو قعد ينظف البيت ويغسل المواعين ويجهز الغدا
رجعوا الولاد ومراته رجعت
جهز الغدا مراته والأولاد أتغدوا وقاموا
ومراته دخلت نامت
وقعد هو يذاكر للاولاد
صحيت مراته
عمل شاي المغرب ومعاه الكيك
شربت مراته وخرجت راحت القهوة
وهو أعد يغسل المواعين وينضف وحضر العشاء
رجعت مراته اتعشوا ودخلت تنام
وهو أعد ينضف و يغسل مكان العشاء لحد الساعة ١٢
من غير ما يسمع كلمة حلوة
يا الله ولا كلمة
دخل ينام وهو يفكر إنه هيصحي يعمل كل ده تاني من ٥ الفجر
قعد يصرخ وينادي على العفريت
قاله : أبوس ايدك رجعني تاني مش هقدر استحمل يوم كمان
قاله العفريت : هرجعك بس مش دلوقتي
قاله امتي؟
قاله بعد ٩ شهور أنت حامل ياحلو…………………..
الرجالة فاكرة أن الموضوع سهل
دي الست جبال شايلة حمال
لا بتأن ولا بتنام
وكفاية عليها الحمل كمان
ولا دا كلام و اوهام