اخبار مصر

egypt news

اخبار مصر

محمد سامي يكتب قصيدة صورة لينا

عن صورة لينا
ف آخر رف ف دولابي

وأول حرف من إسمين وبينهم
سهم مخبطش ف يوم بابي

دخل ع طول بلا استئذان
بشوفك من صلاتي آذان
يناديني اذا ضليت
فيهديني اذا صليت

يأول حد بلجأله ف هوجة ضعفي
لما بكيت
***** **** *****
سلام ايدك سلام للكون
حمامة وشايلة غصن زيتون

ياأبلغ من قوافي الشعر
ولو كل الكلام موزون

يا أسرع حضن ف الدنيا
بيجري عليا لما بهون

ياأحكم حد ينصحني
فانا موسي وانتي هارون

ياأطهر حاجة ف الدنيا
ياشاغلة الفكر والمكنون

ياأقوي من حروف الجزم
واأجمل من سكون النون.
***** ******* ******
ياملهمتي
ياأوضح انثي ف عنيا
واعذب لحن يتغني

جريتي عليا قومت جريت
هنفتح للقلوب بابنا

ولما حضنتك تلاشيتي
وشفتك طايرة ف المبني

صرخت بحرقة رايحة فين وسيباني
وسبتي قلبي فاتسابنا

سمعت ساعاتها صوت عالي
صداه بيرج ف المبني

وكان بيقول…
دي لسه مجاتش كوكبنا

 

 

#قصيدة_صورة_لينا
#ديوان_هى_قالت_هوقال
#حاليا_معرض_الكتاب2017